Teksten


Laot de zon in dien hart

keend wat lach, en nao diech wink, e stök meziek wat prachteg klink,
och ’t liekent zoe gewoen, toch is ’t e woonder!
de hèls d’n tied haos neet mie bij, ’t leve geit zoe gaw veurbij!

laot de zon in dien hart, want ze sjijnt ouch veur diech,
’t doort soms mer eve, dus vergeet neet te leve
laot de zon in dien hart, want ze sjijnt ouch veur diech,
al doort ’t mer eve, kom geneet vaan ’t leve

de zie, ’t strand, ’n zomernach, d’n hiemel vol met sterreprach,
och ’t liekent zoe gewoen, toch is ’t e woonder!
en geit ’t eve neet zoe good, verleer daan neet zoe gaw de mood,
nein, want alles kump good, geluif in ’t woonder!
de hèls d’n tied haos neet mie bij, ’t leve geit zoe gaw veurbij!

biste neet gelökkeg, höbste soms verdreet? alles kump weer good, vergeet dat neet.

'n Roes veur ederen daag

iech trof diech, en waor verlore
iech bin daankbaar, ederen daag
want iech veul miech oetverkore
tot iech dit beleve maag

diech höbs miech zoeväöl gegeve
diene lach klink wie meziek
’ch bin gelökkeg mèt dit leve
en iech veul miech ieweg riek

iech geef diech ’n roes veur ederen daag
en mèt leefde, iech haw vaan diech
tot iech dat nog ederen daag zoe veule maag
is e groet gelök veur miech
iech geef diech ’n roes veur ederen daag
vaan eus leefde e leve laank

alle daog en alle nachte
bis diech dao, allein veur miech
diech bis steeds in mien gedachte
’ch kin neet leve zoonder diech

Jumpe en Springe (LVK 2008)

Refrein:
Want iech laot miech toch neet kinne, iech gaon jumpe iech gaon springe!
Op eder fees dao weurt ‘t al gedoon
En al bin iech straks gebroke, hingk m`n tong miech op m`n sjeun.
Iech daon aon alles mèt en laot miech goon.
Want iech laot miech toch neet kinne, wat d`n tied nog zal verzinne.
Geluif mer  tot iech miech ammezeer
en neve al dat springe zal iech walse en goon swinge,
want danse mèt die daog daon iech zoe geer !!

Kouplèt:
E vastelaovesleedsje kin neet gek genòg mie zien,
samba of e wèlske mer de mars dee kreig `n tien!
House of `ne country  en de lèste rage is jump!
Iech lègk miech daobei neer en iech daon mèt es heer weer kump…..!

Refr.1x

Kouplèt:
Meziek dat weit toch ederein, dat bringk altied de sfeer.
Echte Vastelaovesleedsjes huur iech toch zoe geer.
Iech vin alles good zoelang es iech mer danse kin
Achterein of sjunkelend, iech bin veur alles in,…….!

Refr.2x
Ich moot goon
Tèks: Ursula en Bert Garnier/ Zaank: Erwin (They all went to Mexico/ Santana)

Bin op weeg, en boe op aon?
Iech weet neet, nein, boe iech gaon.
Örgens of nörgens , hei en dao of boe!
Mer iech vertrèk, jao zoe wie zoe.

Refrein:
Iech moot goon, iech blijf neet hei!
Buenos Dias, t ìs veurbij.
Iech bin weg, en mein `t ech, want iech moot goon, ‘t is veurbij, ‘t is gedoon!

Blijf noets lang, zoe bin iech neet.
Höb gaw genóg, is, wat iech weet.
Dus daan trèk iech weer naor `n aander stad.
In eder stad, `nen aander sjat!

Boe is leve, boe plezeer?
Iech loup `t nao, daor gaon iech weer
En zoe geit dat ederen daag en kier op kier.
Gaon iech opnui weer aon de zwier.

Refrein

Bin gelökkeg, en höb `t good
`t zwerve zit miech in `t blood!
Laot miech noe mer lekker mienen gaank zoe goon.
Want zoe leef iech , ‘t is mie bestoon.

Al mien winse, al wat iech wèl
Iech blijf allein en vrijgezel.
Iech bin zoe gebore, zoe steek iech inein.
Iech bin neet zoe, wie ederein!

Refrein 2x

Bin op weeg, en boe op aon?
Iech weet neet, nein, boe iech gaon.
Örgens of nörgens , hei en dao of boe!
Mer iech vertrèk, jao zoe wie zoe.

De nach is nog joonk!
Tèks: Ursula en Bert Garnier/ Zaank: Erwin

Duuster is de nach en al `t leech kump vaan de maon!
En d`n daag dee is opnui veurbij.
Alles geit zoe snel, en wat iech noe nog daon
Is met diech, hei aon mien zij.

Laote veer genete, vaan d`n tied dee d`r nog is.
Want diech stools mien hart en m`n verstand.
Geit dit oets veurbij daan weit iech wat iech mis.
Jao iech zweer, diech zèts mien hart in brand!

Refrein
De nach is nog joonk, de leefde brand zoe heit.
Dit is toch `t sjoenste wat besteit!
De nach is nog joonk, hei höb iech op gewach!
Kom en blijf bij miech de ganse nach!

Es ste nao miech loers, in `t duuster vaan de nach.
Zuugste ouge straole vaan gelök.
In mien stoutste druime had iech neet verwach
Mer de kins noe nog trök….

Laot diech noe verwene, veul wie sjoen `t toch kin zien.
Bis neet bang, want iech höb diech toch leef
Iech wèl mèt diech vrije, in de maonesjien.
Boe iech daan, mien hart en leefde geef.

Blief mer druime!
Tèks: Ursula en Bert Garnier/ Zaank: Erwin

Couplet 1:
Diech loers m`ch weer zoe aon,
en wèls weer dreuver zeure.
Meh diech weits zjus wie iech,
tot `t toch noets get zal weure

Diech kins d`r niks aon doen,
`t heet niks mèt diech te make
Dus doeg noe mer gewoen,
en luuster wat iech zègk!

Refrein
Blief mer druime, mer ‘t is veurbij.
Bin gelökkeg want iech bin weer vrij!
Blief mer druime, iech trap neet mie d’rin
Nein, diech kreigs noe ‘ns neet diene zin!

Blief mer druime, mer weet tot iech gaon.
Aon mien vrijheid kump’s diech neet mie aon
Blief mer druime, iech popel um te goon,
‘t Is veurbij, jao, veur altied gedoon!

Couplet 2:
Iech höb zoe dèks gezag
En noets d’reuver geloge
Diech zoe dèks oet gelag
Tot dit ech alles is!!

't Drinkleed
Tèks: Ursula en Bert Garnier/ Zaank: Erwin

1) Drinke veer e pèlske en dat is ein,- ein en ein en eint allein is geint;
Veer zalle drinke tot d`n doors (weer) verdweint!

2) Drinke veer e pèlske en dat is twie,- twie of eint en ein en ein en eint
allein is geint; veer zalle drinke tot d`n doors weer verdweint!

3) Drinke veer e pèlske en dat is drei,- drei of twie en twie of eint en ein
en ein en eint allein is geint; veer zalle drinke tot d`n doors weer verdweint!

4) Drinke veer e pèlske en dat is veer,- veer plezeer-en drei of twie en
twie of eint en ein en ein en eint allein is geint; veer zalle drinke tot
d`n doors weer verdweint!

5) Drinke veer e pèlske en dat is vijf,-vijf iech bleif-veer plezeer-drei of
twie, en, twie of eint, ein en ein en eint allein is geint; veer zalle drinke
tot d`n doors weer verdweint!

6) Drinke veer e pèlske en dat is zes,-zès m`n bes-vijf iech bleif-veer
plezeer-drei of twie, en twie of eint, en ein en ein, en eint allein is geint;
Veer zalle drinke tot d`n doors weer verdweint!

7) Drinke veer e pèlske en dat is zeve,-zeve me leve-zès m`n bes-vijf iech bleif,
veer plezeer,drei of twie, en twie of eint, en ein en ein, en eint allein is geint;
veer zalle drinke tot d,n doors weer verdweint!

8) Drinke veer e pèlske en dat is ach,- ach en lach- zeve (me) leve, zes m`n bes,
vijf (iech) bleif, veer plezeer, drei of twie, en, twie of ein en ein en ein en eint allein is geint;
veer zalle drinke tot d`n doors weer verdweint!

9) Drinke veer e pèlske en dat is nege,- nege lege,- ach lach,-zeve (me) leve,-zès (m`n) bes,-
vijf (iech) bleif,- veer plezeer, drei of twie, en, twie of eint, - ein en ein en eint allein is geint;
veer zalle drinke tot d`n doors weer verdweint!

10) Drinke veer e pèlske en dat is tien,- tien messjien - nege lege – ach (iech) lach
– zeve, eve – zes (m`n) bes – vijf (‘ch)bleif – veer plezeer –
Drie (of) twie – en - twie (of) eint – ein en ein en ein allein is geint;
Veer zalle drinke tot d`n doors weer verdweint!

Kammeraode oonderein!
Tèks: Ursula en Bert Garnier/ Zaank: Erwin

1)
Veer wèlle toch es manslui, e feeske af- en- touw!
De blömkes boete zètte, eve lekker zoonder vrouw.
En goon v`r ech beginne, jao veer zien weer bejein.
Jong, dat is geweldeg, Kammeraote oonderein!

2)
V’r keke en v’r sjrieuwe, es bieste goon veer d’raon!
Veer laote us weer goon, nein hei kump us geine aon.
Mer drinke en mer sjlóke, ‘t geit wie `ne trein.
Jong, dat is geweldeg, kammeraote oonderein!

Meziek

3)
Noe geit `t ech gebäöre, in us manne-reunïe
Noe geiste get beleve, en noe hèlste us neet mie
Veer lalle en veer bralle, mer hure wel bejein.
Jong, dat is geweldeg, Kammeraote oonderein!

Meziek en muzikaal couplèt 3

4)
En och al weurt `t later, veer hawwe hiel lang pin.
Veer höbbe `t te pakke, ‘t is naor euze zin.
V`r goon tot aon `t geetsje, en v`r blieve op de bein.
Jong, dat is geweldeg, Kammeraote oonderein!

Mezieken en couplèt 3 en meziek

5)
En mote veer naor hoes touw, ‘t fees is weer gedoon.
Zien v`r wie e neutsje, en kinne neet mie stoon!
Daan koume de emoties, veer hawwe ech met ein.
Jong, `t waor geweldeg, Kammeraote oonderein!

En goon v`r daan naor hoes touw, ‘t fees is weer veurbij!
V`r höbbe zoe genote, en voolte us weer vrij.
Daan koume de emoties, ,veer hawwe zoe vaanein.

Jong, ‘t waor geweldeg, Kammeraote oonderein!
(herhaling coup. 3)

Sjöt nog es e pèlske in!
Tèks: Ursula en Bert Garnier/Meziek: Dylan

Couplèt 1
Twie naor väöre en eine achteroet.
In de göt, mer och weer gaw d`r oet.
Stupke op en stupke ouch weer aof.
Jong wie kom iech hei noe weer vaanaof?

Refrein
Meh iech veul miech good, en iech höb zin…
Sjöt nog es e pèlske in!
La, la, la, la……

Couplèt 2
Veur wat zeen iech vaan alles noe toch twie?
En wèlle noe m’n veuj in ins neet mie?
Boerum ligk iech hei laangkoet op de groond?
En dreijt d`n hiele wereld in ’t roond?

Refrein

Couplèt 3
Mien tong veult sjus wie `ne lere lap!
Iech bin zoe druug, boe vin iech nog `n tap?
Boerum höb iech toch zoene naate jas?
Wee hèlt z’ch dao d`n hielen tied aon vas?

Refrein

Couplèt 4
Zoe zaat bin iech allang neet mie gewees!
Zoe zaat terök gekoume vaan e fees.
Zoe zaat tot iech nog geine mins mie kin,
Zoe zaat, lekker zaat wie iech noe bin!

Refrein
Couplèt 1 herhole... meziek

Dien ouge!
Tèks: Ursula en Bert Garnier/ Zaank: Erwin

Couplèt
Zègk miech , wat is d’r aon de hand?
Wete, iech wel ’t wete.
Iech kiek diech aon en zeen ’n traon, mer zwiegend.
Noe zègk ‘t, vertèl daan wat d’r is, of höbste de mood verlore?
Meh iech kin wachte, al doort ’t ore, jao, op diech!

Refrein
Dien ouge höbbe gein geheime, vertèlle alles euver dien verdreet
! Wèls diech verzwiege wat iech toch allang vaan diech weet.
Iech dach hiel eve totste slummer waors, en wel zouws wete tot iech um diech geef!
Nouw , laot mer zitte, en luuster nao miech ezzebleef!
Iech höb ’t hei toch ech euver diech!
Dien ouge höbbe gein geheime mie, veur miech!

Eve,...höb iech zjus d’raon gedach, um ’t mer zoe te laote.
Dat waor mer eve, veer mote praote, alletwie....

Meziek vaan toen!
Tèks: Ursula en Bert Garnier/ Zaank: Erwin (McLeondeon)

Couplèt 1
Iech dach, wat moot iech verwachte.
Want iech bin hei lang neet gewees.
En ’t is wie nog in mien gedachte,
Hei trök te zien veult wie e fees!

Refrein
Mer noe, noe bin iech trök!
En wat e gelök d’r is niks veranderd.
M’n stad, m’n straot en ’t hoes boe iech woende.
En huur de meziek nog vaan toen!

’t Geit veural um de sfeer, en preuf ‘m weer.
’t Waor zoe bezunder!
In mien stad, mien straot en ’t hoes boe iech woende.
En iech huur de meziek nog vaan toen!

Couplèt 2
Dit pläötske hei zal geine kinne!
Zoe groet wie ’n spang op ’n kaart.
En zoe klein , toch blijf iech beminne
Jao, ’t is veur miech gans apaart!

En es iech die klaanke huur, gaon iech door e vuur.
En zal noets vergete, neet m’n stad, m’n straot en ’t hoes boe iech woende,
En huur, de meziek nog vaan toen!

Zal diech noets vergete!
Tèks: Ursula en Bert Garnier/ Zaank: Erwin

Couplèt 1
Iech weet nog wie ’t vreuger waor, jao diech stoons altied veur miech klaor!
Iech weet nog wie iech awwer woort, wie lang deen tied toch heet gedoort!
Wie’s diech veur miech mèt leef en leid,
Toch alles deegs wat mer besteit, miech lierdes euver good en slech, en ierlekheid, gelök en pech!

Refrein
En wat iech zeker weet, zal diech noets vergete,
Diech bis bij miech, in m’n hart en dat vergeet iech neet!

Couplèt 2
Iech weet nog soms daan waor ’t zwoer, de zörg laoge op de loer.
Mer diech gings door en lierdes miech, kom geef noets op, ’t sterk diech.
Begin d’n daag mèt ‘ne lach, dat gief diech mood, dat gief diech krach!
Iech dink dao noe nog dèks aon trök, die wäörd brachte miech väöl gelök!

Refrein

Brögk
En ouch al höb iech soms verdreet, want diech bis weg mer wat iech weet.
’t Is good, leef keend, iech vergeet diech neet!

Couplèt 3
Iech zal d’raon dinke, ederen daag en hope tot iech weure maag, zoe ierlek en
zoe zörgzaam, gedöldeg en altied spontaan, zoe vruntelek, heels altied pin, noets vreigel en altied gooj zin.
Diech waors perfèk, wie moot ’t noe,
Hiel väöl respèk, iech mis diech zoe!

Refrein
En wat iech zeker weet, zal diech noets vergete,
Diech bis bij miech, in m’n hart en dat vergeet iech neet!

Dans de ganse nach mèt miech!

Teks: Ursula en Bert
Zaank: Beppie

Couplèt 1
Höbste zorg of verdreet
Lok `t leve diech neet
Blief neet toes, doeg diech aon, gaank met op stap
Maak mer lol en plezeer
En vergeet alles weer
Daan bis diech straks e gans stok opgeknap
`t leve weurt weer good veur diech
Geneet noem mer en lach nao miech!

Refr:
Kom dans de ganse nach mèt miech!
Want, sjat ‘t leve is nog neet zoe slech.
Wee wèt wat `t vennach nog gief?
Mesjiens zien al dien zorg daan eweg
Pak miech mer in dien erm sjat
Hei in de maonesjien..!
Kom dans mèt miech tot mörgevreug
En diech zals zjus wie iech... gelökkeg zien!

Couplèt 2:
De meziek is hiel good, d`r is niks wat ech moot.
Kom gaank mèt en blief daor neet stoon
Aanders zitste mer thoes.
Gans allein in dien hoes
Gaank noe mèt, en laot diech goon
`t leve weurt weer good veur diech
Geneet noe mer en lach naor miech!

Refr: 2x
Evt leste refr met La,la....

Dien ouge!

Limb.tèsk: Ursula en Bert Garnier
Zaank: ERWIN

Couplèt 1:
Zègk miech , wat is d’r aon de hand?
Wete, iech wel ’t wete.
Iech kiek diech aon en zeen ’n traon, mer zwiegend.
Noe zègk ‘t, vertèl daan wat d’r is, of höbste de mood verlore?
Meh iech kin wachte, al doort ’t ore, hei op diech!

Refrein:
Dien ouge höbbe gein geheime, vertèlle alles euver dien verdreet!
Wèls diech verzwiege wat iech toch allang vaan diech weet.
Iech dach hiel eve totste slummer waors, en wel zouws wete tot iech um diech geef!
Nouw , laot mer zitte, en luuster nao miech ezzebleef!
Iech höb ’t hei toch euver diech...
Dien ouge höbbe gein geheime mie, veur miech!

Couplèt 2:
Eve,...höb iech zjus d’raon gedach, um ’t mer zoe te laote.
Dat waor mer eve, veer mote praote, alletwie...

Refrein:
Dien ouge höbbe gein geheime, vertèlle alles euver dien verdreet!
Wèls diech verzwiege wat iech toch allang vaan diech weet.
Iech dach hiel eve totste slummer waors, en wel zouws wete tot iech um diech geef!
Nouw , laot mer zitte, en luuster nao miech ezzebleef!
Iech höb ’t hei toch euver diech...
Dien ouge höbbe gein geheime mie, veur miech!